admin1
रत्नागिरी ( जिमाका) :- राज्यातील क्रीडा विकासाकरिता मिशन लक्ष्यवेध हा महत्वाकांक्षी उपक्रम हाती घेण्यात आलेला आहे. क्रीडा प्रशिक्षण यंत्रणा, क्रीडाविषयक पायाभूत सुविधा, स्पर्धाचे आयोजन, क्रीडा वैद्यकशास्त्र, खेळाडूंना प्रोत्साहन व पुरस्कार, खेळाडूंना करीअर मार्गदर्शन, खेळाडूंच्या क्षमता विकासासाठी देशी-विदेशी संस्थांचा सहयोग हे सर्व घटक विकसीत होण्याच्या दृष्टीने मिशन लक्ष्यवेध ही योजना कार्यान्वित करण्यात आलेली आहे.
जिल्हास्तरावर क्रीडा प्रतिभा विकास केंद्राकरीता सद्यस्थितीत ॲथलेटिक्स या खेळांकरीता खेळाडूंची निवड करण्यात येणार आहे. जिल्हास्तरावरील केंद्र हे अनिवासी केंद्र आहे. जिल्हास्तर खेळनिहाय चाचण्यांचे आयोजन 9 एप्रिल रोजी सकाळी 8 वाजता एस. व्ही. जे. सी. टी. क्रिडा संकुल, डेरवण, सावर्डे, ता. चिपळूण येथे आयोजित करण्यात आले आहे. इच्छुक उमेदवारांनी https://docs.google.com/forms/d/e/१FAlpQLSelLZpEpNKZSHvAoZ-६TX१xcgwf_७x-qfmB_A९_Z२aWlaPbSJw/viewform?usp=header या संकेतस्थळावर नोंदणी करणे आवश्यक आहे.
खेळाडूंनी जन्मदाखला, शाळा सोडल्याचे प्रमाणपत्र, अधिवास प्रमाणपत्र, आधार कार्ड, गत २ वर्षातील क्रीडा विषयक कामगिरीचे प्रमाणपत्र, शाळा/महाविद्यालयाचे बोनाफाईड प्रमाणपत्र, क्रीडा कामगिरी (शुटींग, टेबल टेनिस या खेळाचे राज्य/राष्ट्रीय स्तरावरील रँकींग) याबाबतची मूळ कागदपत्रे सोबत आणावयाची आहेत. खेळाडूंनी निवास व भोजन व्यवस्था स्वतः करायची आहे.
जिल्हास्तर क्रीडा प्रतिभा विकास केंद्राच्या प्रवेशाकरिता चाचण्यांचा कार्यक्रम निश्चित केला असून दिनांक 9एप्रिल रोजी वर नमूद ठिकाणी आवश्यक साहित्यासह उपस्थित रहावे. अधिकृत राष्ट्रीय स्पर्धेतील सहभाग अथवा राज्यस्तरीय स्पर्धेतील प्राविण्य प्राप्त इच्छुक खेळाडूंना निवड चाचणीकरिता वर नमूद केलेल्या ठिकाणी उपस्थित राहणेबाबत सूचित करण्यात येत आहे. जिल्ह्यातील जास्तीत जास्त वरील संबंधित खेळातील अधिकृत राष्ट्रीय स्पर्धेतील सहभाग अथवा राज्यस्तरीय स्पर्धेतील प्राविण्य प्राप्त इच्छुक खेळाडूंनी सदर निवड चाचणीला उपस्थित राहावे असे आवाहन जिल्हा क्रीडा अधिकारी विजय शिंदे यांनी केले आहे.
