admin1
रत्नागिरी : मुरुगवाडा येथील बाळगोपाळ युवक मित्रमंडळ पिलणकरवाडीतर्फे 15 मे 2026 रोजी वार्षिक सत्यनारायणाची पूजा आयोजित करण्यात आली होती. त्या निमित्ताने सायंकाळी 8.00 वा. च्या दरम्याने वाडीतील सभासदांसाठी विविध सांस्कृतिक व गुणदर्शनाचे कार्यक्रम आयोजित करण्यात आले होते. त्यामध्ये लहान मुलांसाठी आणि महिलांसाठी फनी गेम्स आयोजित करण्यात आले. विवाहीत महिलांसाठी उखाणे घेणे, संगीत खुर्ची, फुगे फुगवून कागदी कप उचलणे, अशा नवनवीन खेळांचा त्यामध्ये समावेश होता. त्यासाठी विजेत्यांना आर्थिक स्वरुपात बक्षिसे देण्यात आली. तसेच रात्रौ ठिक 10 वाजता मालगुंड येथील श्री चंडिका हौशी कलाकार नमन मंडळ यांचे बहुरंगी नमन अर्थात कोकणचे खेळे हा कार्यक्रम ठेवण्यात आला होता. त्यावेळी या कार्यक्रमाला परिसरातील लोकांचा उत्सफूर्त प्रतिसाद मिळाला. हे कार्यक्रम यशस्वतीरित्या पार पाडल्याबाबत आयोजकांनी सर्वांचे आभार मानले. तसेच हे कार्यक्रम पार पाडण्यासाठी पिलणकरवाडीतील बाळगोपाळ युवक मित्रमंडळाच्या सदस्यांनी अथक परिश्रम घेतले.
